هام للشباب المغاربة لي مازال مفاهمينش ديك القضية ديال الاتفاقية ديال البنوك وإنشاء المقاولات و لي تم إطلاقها بأوامر من الملك محمد السادس ‼️ هذا شرح مبسط للموضوع: - Elhadat24 |

هام للشباب المغاربة لي مازال مفاهمينش ديك القضية ديال الاتفاقية ديال البنوك وإنشاء المقاولات و لي تم إطلاقها بأوامر من الملك محمد السادس ‼️ هذا شرح مبسط للموضوع:

كتبه كتب في 13 فبراير 2020 - 8:04 ص
مشاركة

🔴هام للشباب المغاربة لي مازال مفاهمينش ديك القضية ديال الاتفاقية ديال البنوك وإنشاء المقاولات و لي تم إطلاقها بأوامر من الملك محمد السادس ‼️ هذا شرح مبسط للموضوع:

هاد المقاولات بتمويل مجاني يعني الدولة لي غتكلف ليك بكولشي نتا ماعليك غير تختار المشروع لي طاح فبالك 🤩

بعد ما تختار المشروع لي بغيتي تحقق بيه الحلم ديالك، غادي يخصك تمشي للعمالة لي المدينة ديالك تابعة ليها وغادي تخبرهم بالمشروع الذي تود إنجازه.

من بعد سيتم توجيهك إلى مكتب بالعمالة، يسمى “مكتب التعاون”، غيستقبلوك وغيناقشو معاك فكرة المشروع وغيعيطوك عدد من الوثائق والاستمارات لي خاصك تعمرها وتجيبها ليهم. و من بعد أسبوع غتاصل بيك اللجنة وتناقش معاك المشروع.

هاد اللجنة خدمتها هي تعاونك، لأنها تابعة “للمبادرة الوطنية للتنمية البشرية” لي عندها فائض ديال 11 المليار مخصصة ليك و للشباب لي باغين يديرو مقاولة بتعلميات من الملك باش الشباب يخدم ويخدّم معاه الناس و تنقص البطالة.

وكل ما في الأمر أنهم غادي غير يشوفك واش بصح عندك أفكار و متمكن من المشروع ولا غير جاي تدي الفلوس.

هاد اللجنة، المهمة ديالها هي تمولك ب %70 من المبلغ لي قلتي ليهم. أما بقية المبلغ حتى هو ساهل باش تحصل عليه 👏

غادي يخصك تمشي عند الأبناك غتقوليهم بغيت قرض لإنشاء مقاولة صغرى وتحاول تقنعهم بالمشروع ديالك باش يعطيوك المبلغ لي بقا ليك على شكل كريدي.

وعلى سبيل المثال، فمثلا خصّك 10 ديال المليون باش دير المقاولة، هاديك اللجنة لي كتمولك ب 70% غتعطيك هي 7 ديال المليون، والبنك غيعطيك 3 ديال المليون لي بقات ليك. وهانتا جمعتي 10 ديال المليون وقادر تبدا المشروع لي كتحلم بيه 🤩🥳

وهاد القروض خاصين بالشباب أصحاب أفكار إنشاء المقاولات.

‼️ ملاحظات هامة : فاش غتمشي العمالة ممكن تلقا جوج مشاكل:

⬅️ أولا: غيقولو لك جيب لينا “دراسة الجدوى” هاد دراسة الجدوى هي دراسة شاملة للمشروع كتقام بالفلوس. ولكن نتا تقدر ديرها فااابور.

غتمشي عند ANAPEC، غنقوليهم عندي فكرة مشروع و بغيت ديرو ليا “دراسة الجدوى” غيقولو ليك مرحبا و غيخدمو ليك ضوصي فابور (خدمتهم هاديك) و ديه للعمالة.

⬅️ ثانيا : يقدرو فالعمالة يقولو ليك خصك المحال و نتا ماعندكش و ماعندكش باش تكري، غتمشي تدي ليهم فقط “وعد بالكراء” من شي كراج كافية، و من تخرج ليك الفلوس عاد سير كريه.

ونزيدك كاين صندوق دعم المقاولات الصغرى المهمة ديالو هي يساعدك في حالة لقيتي مشكل فالمقاولة مثلا مانجحتش.

🔴 تذكير : سواء كنتي بوحدك ولا نتوما مجموعة ديال الدراري.. قاري ولا مقاريش.. عندك دبلوم ولا ماعندكش.. هادشي كامل لي قريتي راه من حقك.
.

تعليقات الزوار ( 1 )

  1. في أرض الواقع مختلف هدشي لأنه بنسبة لمدينة اسفي مشيت سولت في مكتب المبادرة الوطنية للتنمية البشرية قالو لينا بلي المبلغ المطروح تعطى لثلاث جمعيات لمعروفين بمدينة اسفي و هنا تسد علينا الباب و مبقيناش عارفين اش نديرو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *